Þolandinn þarf að vilja hlusta á gerandann: „Það vantar vissulega fyrirmyndir“

„Það er í mjög fáum til­vikum sem ger­end­uraxla ábyrgð. Í þeim til­vikum sem ég man eftir í þess­ari MeToo-bylgju þá hefur það samt yfir­leitt verið klaufa­lega gert. Það hefur til dæmis ekki verið gert í sam­ráði við þolend­urna og það hefur ekki verið öxluð full áabyrgð,“ segir Gabríela Bryndís Ernu­dóttir, sál­fræð­ingur og for­maður bar­áttu­hóps­ins Líf án ofbeldis.

Aðspurð hvort, að hennar mati, hún telji það geta gerst að ger­endur, sem hafa vísað ásök­unum á bug, sjái að sér – stígi fram og játi, segir Gabríela:

„Hvað marga ger­endur varðar, þá eru þeir að ein­hverju leyti aldir upp í umhverfi þar sem að þeir eru ekki látnir bera ábyrgð á sjálfum sér. Þá er fjöl­skyldan oft líka ekki til­búin til að horfast í augu við að barnið sé búið að brjóta á ein­hverjum öðrum. Það verður miklu erf­ið­ara fyrir ger­and­ann að horfast í augu við gjörðir sínar, ef for­eldrar eða systk­ini eru bara: „nei, þú gerðir þetta ekki“.“

Ljóst er að lítið er um að dæmi þess að ger­endur hafi stigið fram og jafn­vel gefið til baka.„Það vantar vissu­lega fyr­ir­myndir, þar sem ger­endur hafa breyst raun­veru­lega, farið í rosa­lega mikla sjálfs­vinnu og farið að vinna í sér þannig að þeir séu orðnir fyr­ir­myndir fyrir aðra um að hætta að brjóta á öðrum og jafn­vel að gefa til baka á ein­hvern hátt sem hjálpar öðrum og skaðar engan.“

Kjósi ger­andi að stíga fram segir Gabríela mik­il­vægt að það sé gert í sam­ráði við þol­anda.„Það er nátt­úr­lega líka mjög umdeilt að menn séu að tala opin­ber­lega um það ofbeldi sem þeir hafa beitt. Það getur verið mjög þung­bært fyrir þolendur. Ofbeldi felur í sér vald­beit­ingu og þess vegna er mik­il­vægt að valdið sé ekki tekið af þolendum þegar ger­endur vilja bæta fyrir brot sín.

Mann­eskjan sem varð fyrir brot­inu þarf að vilja hlusta á ger­and­ann, það er ekk­ert endi­lega víst. Ger­and­inn getur ekki þröngvað sér upp á þol­and­ann og kraf­ist þess að fara í ein­hvers konar sátta­með­ferð eða sátta­miðlun með þol­anda.“Þá segir Gabríela að það sé fyrst og fremst mik­il­vægt að þol­andi sé við stjórn, kjósi ger­andi að stíga fram og axla ábyrgð. Ljóst er að slíkt ger­ist allt of sjaldan þrátt fyrir að úrræði séu til staðar.

Lesa meira hér.