Stjórnvöld höfðu ekki áhuga á heimsfrægri náttúruperlu – Ríkur Íslendingur nýr eigandi

Líkt og Mannlíf fjall­aði um í maí síð­ast­liðnum höfðu land­eig­endur einnar merk­ustu nátt­úruperlu lands­ins, sam­þykkt kauptil­boð í land­svæðið. Þar er að finna Fjaðrár­gljúfur, sem varð heims­frægur ferða­manna­staður, eftir að söngv­ar­inn Justin Bieber tók þar upp tón­list­ar­mynd­band. Gljúfrið er hluti af jörð­inni sem nefn­ist Heiði en sam­þykkt kauptil­boð hljóðar upp á 300 til 350 millj­ónir króna og er kaup­and­inn Íslend­ingur sem starfar í ferða­þjón­ustu.

Frétta­blaðið greindi frá því í dag að Íslensk stjórn­völd hefðu ekki nýtt sér for­kaups­rétt á Fjaðrár­gljúfri og frestur til þess að nýta rétt­inn sé nú runn­inn út. Skömmu fyrir heims­far­ald­ur­inn þurfti að loka gljúfr­inu en stöð­ugur straumur ferða­manna, sem gengu um allt svæðið, var farið að hafa slæm áhrif á nátt­úr­una. Aðgangur að svæð­inu hefur fram til þessa verið ókeypis og land­verðir á vegum Umhverf­is­stofn­unar sinnt gljúfr­inu. Óljóst er hvort eða hvenær breyt­ingar verði þar á og hvort nýr eig­andi hygg­ist taka upp gjald­töku.