Gunnar Smári um nýjar tölur um hlýnun jarðar: „Mögulega hefur menning okkar þegar fallið“

Gunnar Smári Egilsson birtir afar óhugn­an­lega mynd sem sýnir að mann­kynið er í vondum málum hvað varðar hlýnur jarðar. Segir hann að ástæðan fyrir því að ver­öldin sé að far­ast, séu ham­farir innra með okkur.

Færslan sem sós­í­alista­for­ing­inn Gunnar Smári skrif­aði á Facebook í dag, og myndin sem fylgir, er ekk­ert annað en slá­andi. „Frá miðju ári hefur hit­inn á jörð­inni farið yfir það sem áður hefur mælst, og tölu­vert hátt yfir fyrri met. Kannski er þetta stærsta frétt sem við höfum séð,“ skrif­aði Gunnar Smári og hélt áfram. „Ég kann ekki að lesa í ástæður eða afleið­ingar, en þarna er aug­ljós­lega eitt­hvað merki­legt á seiði.“ Segir hann það koma sér nokkuð á óvart hversu margir yppti öxlum þegar þeir fá slíkar upp­lýs­ingar. „Eins og þeir hafi oft séð annað eins og þetta sé ekk­ert til að kippa sér upp við. Þeir hafi um margt merki­legra að hugsa. Auðvitað er aðdá­un­ar­vert að vera kúl og láta ekki smá­muni raska ró sinni, en það á varla við þegar við erum að sigla inn í tíð sem eng­inn núlif­andi maður hefur áður upp­lifað.“

Segir hann að honum finn­ist að félags­fræð­ingar mættu rann­saka við­brögð fólks við fréttum af hlýnun jarðar sem og allskyns öðrum tíð­indum. „Í raun er það merki­legra en auk­inn ójöfn­uður, að fólk skuli ekki kippa sér upp við þá stöðu, láti sér jafn­vel vel líka. Og það er í raun merki­legra en að stríð sé í Evrópu, að mik­ill meiri­hluti almenn­ings í álf­unni skuli styðja það stríð og alls ekki vilja vopna­hlé.“

Lokaorð Gunnars Smára eru í senn djúp og hroll­vekj­andi, enda kann hann að koma fyrir sig orði.

„Ástæða þess að ver­öld okkar er að far­ast eru ham­farir innra með okkur, algjört getu­leysi til að bregð­ast við raun­veru­legri hættu og mik­illi vá. Mögulega hefur menn­ing okkar þegar fallið og við séum að horfa upp á afleið­ingar þess í hlýnun jarðar, auknum ójöfn­uði, ófrelsi fólks, úlfúð og stríði.“