Leiðir skilja endanlega hjá Steinunni Ólínu og Bergsveini

Berg­sveinn Birg­is­son rit­höf­undur og Steinunn Ólína Þor­steins­dóttir leik­kona, virð­ast hafa lokið skiptum á sínum málum.

Berg­sveinn birti á dög­unum færslu á Facebook þar sem nauð­ung­ar­upp­boð á íbúð sem hann átti með Stein­unni Ólína var aug­lýst. Eyddi hann færsl­unni nokkrum dögum síðar en sam­kvæmt heim­ildum Mannlífs leyst­ist málið far­sæl­lega.

Þau Steinunn og Berg­sveinn hófu ást­ar­sam­band sitt árið 2019 en hann hefur und­an­farin ár búið í Björgvin í Noregi. Fréttir af sam­bandi þeirra birt­ist á sínum tíma í fjöl­miðlum á borð við DV, Morg­un­blað­inu og Vísi. Við­skiln­aður þeirra varð fyrir nokkru síðan, en eftir stóð að leysa úr sam­eig­in­legu eign­ar­haldi þeirra á íbúð­inni við Fiski­slóð á Granda í Reykja­vík.

Steinunn Ólína opn­aði sig um sam­band sitt við Berg­svein í við­tali í Frétta­blað­inu árið 2021 þar sem hún sagði meðal ann­ars: „Að elska og vera elsk­aður er mik­il­væg­ast af öllu. Ég hefði verið sjálfri mér verst og algjört fífl ef ég hefði neitað mér um að kynn­ast Berg­sveini betur þrátt fyrir að stutt væri frá and­láti Stefáns. Og auð­vitað bráð­heppin að hann gat hugsað sér að elska mig líka.“

Berg­sveinn er þekktur fyrir skáld­sögur á borð við Landslag er aldrei asna­legt, Svar við bréfi Helgu og Lif­andilífs­lækur.

Steinunn Ólína er ein af ást­sæl­ustu leikkonum lands­ins en hún hefur leikið í fjöl­mörgum leik­ritum fyrir Leik­fé­lag Reykja­víkur, Leik­fé­lag Akur­eyrar og Þjóð­leik­húsið, auk fjölda sjón­varps­þátta og kvik­mynda. Þá bauð hún sig fram til for­seta í síð­ustu for­seta­kosn­ingum. Hún er nú í sam­bandi með Gunn­ari Gylfa­syni fram­kvæmda­stjóra.