„Gríðarstórt framfaraskref sem markar upphaf nýs tímabils í skólastarfi“

Að mati ráð­herra hefur nú verið stigið það „stærsta fram­fara­skref í náms­mati ís­lenskra barna í ára­tugi.“

Þetta segir Guð­mundur Ingi Krist­ins­son sem vill að við ræðum „menntun barn­anna okkar.“

Mynd: Víkingur

Guð­mundur Ingi hefur setið á þingi í suð­vest­ur­kjör­dæmis fyrir Flokk fólks­ins síðan 2017 og það kemur fram í máli hans að náms­mat grunn­skóla­nem­enda hafi verið mikið í umræð­unni á liðnum miss­erum. Segir Guð­mundur Ingi að „við viljum öll að börnin njóti sín í skóla­starfi og nái árangri“ og hann bætir því við að framundan sé „algjör bylt­ing í náms­mati.“

Náms­ár­angur og náms­fram­vinda eru ráð­herra hug­leikin efni og hann er ánægður með hvernig vinnan fór fram og hverju hún mun skila út í sam­fé­lagið. Ráðherra er afar ánægður með að „loks­ins verður í boði sam­ræmt náms­mat“ og nú er hægt er að fylgj­ast með „náms­ár­angri og náms­fram­vindu nem­enda milli skóla­ára,“ segir Guð­mundur Ingi og bendir á að slíkt „sam­ræmt náms­mat hefur aldrei áður staðið íslenskum skólum til boða í þeim mæli sem hér um ræðir.“

Hann segir þetta því vera grund­vall­ar­breyt­ingu á því hvernig við styðjum við nám barna og kennslu kenn­ara:

„Í lok þessa skóla­árs voru lögð til­rauna­próf í hverjum bekk frá 4. og upp í 10. bekk. 7 stærð­fræði­próf og 7 próf í lesskiln­ingi. Í úrtak­inu voru um 7000 börn í 26 skólum. Þessi til­rauna­próf tók­ust afar vel.“

Hann færir í tal að á næsta ári muni ný sam­ræmd próf í lesskiln­ingi og stærð­fræði verða lögð fyrir alla nem­endur í 4. til 10. bekk og segir þetta vera „gríð­ar­lega stórt fram­fara­skref í náms­mati íslenskra barna og markar, má segja, upp­hafs nýs tíma­bils í skóla­starfi á Íslandi.“

Ráðherra segir að nú verði í fyrsta sinn hægt að fylgj­ast reglu­bundið með náms­fram­vindu hvers barns með vönd­uðum mat­stækjum; kenn­arar geti því betur mætt náms­legum þörfum nem­anda:

„Þessi próf eru hluti af Mats­feril sem er heild­stætt náms­mats­kerfi með stöðu- og fram­vindu­prófum auk skimun­ar­prófa. Mats­fer­ill­inn mun þannig styðja við dag­legt starf kenn­ara og veita þeim yfir­sýn yfir náms­lega stöðu nem­enda.“

Guð­mundur Ingi segir Mats­fer­ill byggðan á traustum og fræði­legum grunni og hefur hann verið unn­inn í víð­tæku sam­ráði við skóla­sam­fé­lagið. Hann bendir á að aldrei áður hafi verið unnið eins umfangs­mikið sam­ræmt og heild­stætt kerfi sem gefur svo góða yfir­sýn yfir náms­fram­vindu barna, og segir því að þessi nýju verk­færi séu „gríð­ar­lega mik­il­væg fyrir kenn­ara, nem­endur og for­eldra.“

Hann segir enn­fremur að nið­ur­stöður Mats­fer­ils veita skóla­stjórn­endum og skóla­yf­ir­völdum „gríð­ar­lega mik­il­væga inn­sýn í þróun mennt­unar“ sem síðan nýt­ist til umbóta og mark­vissrar stefnu­mót­unar og Guðmund Inga hlakkar mikið til að „fylgj­ast með því hvernig Mats­fer­ill muni styðja við fram­þróun og auka gæði mennt­unar enn frekar þannig að öll börn fái tæki­færi til að vaxa og dafna í námi.“