Borgarráð Reykjavíkur samþykkti á fundi sínum í gær að stytta gjaldskyldutíma bílastæða á svæðum P1 og P2 í miðborginni um eina klukkustund á kvöldin. Breytingin tekur gildi 1. október og gildir út árið.
Eftir breytinguna verður gjaldskylda á virkum dögum frá klukkan 9 til 20 og um helgar frá klukkan 10 til 20. Nú er gjaldskylda til klukkan 21. Breytingin er sögð fyrsta skref í heildarendurskoðun gjaldskyldukerfis borgarinnar.
Fulltrúar meirihlutans, Viðreisnar, Framsóknar og Sjálfstæðisflokksins, segja breytinguna eiga að bæta aðgengi að miðborginni og auðvelda fólki að sækja þangað verslun, þjónustu og menningarviðburði.
Fulltrúar minnihlutans gagnrýndu hins vegar ákvörðunina á ólíkum forsendum
Ari Edwald, oddviti Miðflokksins, taldi breytinguna ekki ganga nógu langt og lagði til að gjaldskyldu á P1 og P2 lyki klukkan 18.
Silja Sóley Birgisdóttir, fulltrúi Sósíalistaflokksins, gagnrýndi skort á samráði og kallaði málið sýndarmennsku.
Heiða Björg Hilmisdóttir og Pétur Marteinsson, fulltrúar Samfylkingarinnar, sögðu að breytingar á skiltum myndu kosta yfir 40 milljónir króna auk þess sem borgin yrði fyrir tekjutapi. Þau töldu jafnframt hættu á minni nýtingu bílastæðahúsa.
Athugasemdir