Pálmi óð í Bubba eftir þungar aðdróttanir

Tón­list­ar­menn­irnir Bubbi Morthens og Pálmi Gunn­ars­son tók­ust harka­lega á á Facebook í kjöl­far gagn­rýni Bubba á umsvif breska auð­jöf­urs­ins Jim Ratcliffe á Íslandi.

Bubbi deildi pistli Herdísar Kjerulf Þor­geirs­dóttur um Ratcliffe og lét sjálfur þung orð falla. Hann gagn­rýndi meðal ann­ars jarða­kaup og ítök auð­jöf­urs­ins í íslenskum lax­veiðiám og sagði stöð­una vera komna út fyrir öll mörk.

„Allt við þetta lið er ógeð­fellt,“ skrif­aði Bubbi og hélt því fram að íslenskum veiði­mönnum væri í auknum mæli haldið frá ánum. Sagði hann þær vera orðnar að „leik­föngum fyrir hann og hirð­ina í kringum hann“.

Bubbi dró jafn­framt í efa að nátt­úru­vernd væri raun­veru­leg ástæða umsvif­anna og sagði það vera fyr­ir­slátt. Hann kall­aði eftir því að stjórn­völd gripu inn í þró­un­ina.

Í upp­haf­legri færslu sagði Bubbi jafn­framt að Ratcliffe hefði verið að reyna að ná yfir­ráðum yfir Laxá í Aðaldal. Sú full­yrð­ing varð kveikjan að orða­skiptum hans og Pálma.

Pálmi krafði Bubba svara

Pálmi spurði Bubba hvort Ratcliffe hefði í raun reynt að kaupa ána ásamt jörðum og öðru sem henni tengd­ist. Bubbi svar­aði ekki spurn­ing­unni beint í fyrstu heldur sagði við Pálma að hann væri „of tengdur honum“.

Pálmi brást við og krafð­ist skýr­inga.

„Hvað áttu við? Og get­urðu ekki svarað spurn­ing­unni með öðrum hætti en aðdrótt­unum,“ skrif­aði Pálmi.

Bubbi spurði þá hvort Pálmi væri ekki að vinna fyrir Ratcliffe og Gísla og sæi um neðra svæðið við Hofsá. Hann bætti við að ef svo væri ekki myndi hann taka orð sín til baka.

Pálmi hafn­aði því alfarið.

„Ég er ekki að vinna fyrir einn eða neinn nema sjálfan mig. Er með sil­unga­svæði Hofsár á leigu ásamt vinum mínum,“ skrif­aði Pálmi og krafði Bubba aftur svara um Laxá.

Bubbi leið­rétti þá fyrri ummæli sín. Sagði hann orða­lagið hafa verið klaufa­legt og að átt hefði verið við að menn hefðu fal­ast eftir því að taka Laxá á leigu en ekki kaupa hana.

Orða­skipt­unum lauk þó ekki þar. Bubbi sagði að ef Pálmi leigði neðra svæðið af Ratcliffe væri hann tengdur honum. Pálmi svar­aði þá stutt og ákveðið og sagði Bubba „ekki vera fáviti“.

Deilan varð enn per­sónu­legri undir lokin. Bubbi sagð­ist ekki vera að „hossa“ Ratcliffe en Pálmi svar­aði að Bubbi hoss­aði engum nema eitt­hvað væri í því fyrir hann. Sagðist Pálmi að lokum ekki nenna frek­ari orða­skiptum.