Matvælastofnun varar neytendur við neyslu á frosnum nautamaga sem seldur hefur verið hér á landi vegna óvissu um örveruástand vörunnar.
Um er að ræða vöruna Cow Stomach Abodi frá vörumerkinu Afroase sem fyrirtækið Fiska.is hefur flutt inn og selt í verslun sinni.
Í tilkynningu frá Matvælastofnun segir að fyrirtækið hafi, í samráði við heilbrigðiseftirlitið, ákveðið að innkalla vöruna. Viðvörunin barst í gegnum evrópska hraðviðvörunarkerfið RASFF sem miðlar upplýsingum um hættuleg matvæli og fóður á markaði.
Innköllunin nær til allra framleiðslulota vörunnar.
Varan er seld í eins kílóa pakkningum og framleidd í Holland af fyrirtækinu Asia Express Food.
Neytendur sem hafa keypt vöruna eru hvattir til að neyta hennar ekki. Þeim er ráðlagt að annað hvort farga henni eða skila henni í verslun Fiska.is gegn endurgreiðslu.
