Það væri erfitt fyrir Donald Trump að verða forseti Bandaríkjanna ef einugis fólk á Íslandi fengi að taka þátt í þeim kosningum.
Aðeins 9% íslenskra kjósenda myndu kjósa forsetann fyrrverandi meðan 91% myndu kjósa Kamala Harris en þetta kemur fram í nýjum Þjóðarpúlsi Gallup. Niðurstaða þessi kemur þó ekki sérstaklega á óvart en Trump hefur í gegnum árin mælst sem óvinsælasti forseti Bandaríkjanna á alþjóðavettvangi.
Annað sem kemur ekki á óvart í niðurstöðunni er að kjósendur Miðflokksins eru líklegastir til að vera hrifnari af Trump en Harris en líklegt þykir að þeir sjái margt sameiginlegt í Trump og Sigmundi Davíð, formanni Miðflokksins. Næstum einn af hverjum þremur kjósendum Miðflokksins myndi kjósa Trump.
Þá er Harris vinsælli hjá konum á Íslandi og eru 96% þeirra á vagninum hennar meðan 85% karlmanna myndu velja Harris fram yfir Trump. Þá myndu allir kjósendur Vinstri Grænna og Samfylkingarinnar kjósa Harris.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir