Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Skoðun

Nakin og blaut í Reyn­is­fjöru

Fólk

Vigtuð viku­lega og sett á mat­ar­plan aðeins tíu ára gömul

Heimur

Macaulay Culkin snýr aftur sem Kevin McCallister

Innlent

Lög­reglan lýsir eftir Nikulási Snorra­syni

Heimur

„Guðfaðir gervi­greindar“ varar við yfir­vof­andi stór­slysi

Fólk

Björgvin Franz fagnar eins árs sam­bands­af­mæli með kærust­unni

Pólitík

„Af tvennu illu er skárra að böð­ull­inn sé ekki í felu­litum frjáls­lyndis“

Heimur

Banda­rísk stjórn­völd birta þrjú ný mynd­skeið af óþekktum fljúg­andi fyr­ir­bærum

Heimur

Faðir skaut eig­in­konu sína og þrjú ung börn til bana

Heimur

Hin sænska Karin hvarf áður en hún átti að sækja börnin sín

Illugi með þrjár bækur og tvö spil í jólaflóðinu: „Mér finnst gaman á jólum“

Feðginin Illugi Jök­uls­son og Vera Ill­uga­dóttir eru dýrkuð og dáð sem dag­skrár­gerð­ar­fólk í útvarpi. Þau eru þó að sýsla ýmis­legt annað og nú fyrir jólin er Illugi með tvö spil og þrjár bækur í jóla­bóka­flóð­inu. Eina þeirra, bók­ina Dýrin, skrif­uðu þau feðginin saman.

„Við Vera tókum saman og skrif­uðum bók­ina um dýrin, ein­fald­lega af því dýr eru svo skemmti­leg og svo margt hægt að læra af þeim, bæði um líf þeirra, lífið á jörð­inni almennt og milli lín­anna líka um líf okkar mann­anna,“ segir Illugi í sam­tali við Mannlíf um nýju dýra­bók þeirra feðgina. Á bók­sölu­vef er henni lýst með eft­ir­far­andi hætti:

„Þau eru ægi­leg, hlægi­leg, furðu­leg og for­vitni­leg! Bók stút­full af myndum, fróð­leik og skemmti­legum sögum af dýr­unum. Bráð­skemmti­leg, ill­víg og ófrýni­leg. Ban­eitruð, krútt­leg, örsmá og risa­stór. Útdauð, ómissandi, ótrú­leg og spreng­hlægi­leg!“

Aðspurður segir Illugi að það hafi verið skemmti­legt verk­efni með Veru að skrifa þessa fjör­ugu bók um dýrin. 

Vera og Illugi eru dýrkuð og dáð.

„Í bók­inni er sagt frá skrýtnum dýrum, hættu­legum dýrum, dýrum í útrým­ing­ar­hættu og „þjóð­ar­dýrum“ – en það eru dýrin sem hinar ýmsu þjóðir sam­sama sig við. Svo eru í bók­inni flottar myndir sem lýsa vel þessum undra­dýrum öllum. Þetta er ein­fald­lega bók sem ég get sann­ar­lega mælt með. Þú getur til dæmis ekki ímyndað hvað leti­dýr eru furðu­leg. Þau hanga þarna í trjánum og hreyfa sig næstum ekk­ert og það virkar nú ekki margt spenn­andi við þau. En það er öðru nær. Letidýr eru ótrú­lega spenn­andi skepnur og það var stór­kost­lega gaman að rann­saka líf þeirra og háttu. Ég vona og trúi að okkur hafi tek­ist að koma því og öðrum dásemdum dýr­anna til skila,“ segir Illugi.

Spurningakóngur Íslands

Til­við­bótar við dýra­bók­ina þeirra Illuga og Veru er hann líka með tvær fót­bolta­bækur í versl­unum fyrir jólin.

„Ein er um hetj­urnar á HM og er auð­vitað i fullu gildi þó HM sé liðið. Hin er um Erling Haaland, hina upp­vax­andi stjörnu sem lík­lega verður einn sá allra besti í heimi á næst­unni, ef hann er ekki þegar orð­inn það. Ferill hans er rak­inn og svo eru myndir af þessum ótrú­lega kappa,“ segir Illugi.

Rit­höf­und­ur­inn skemmti­legi er þekktur fyrir spurn­inga­gerð og ekki úr vegi að tala um Illuga sem hálf­gerðan spurn­inga­kon­ung lands­ins. Hann samdi til dæmis til spurnn­ingar og þrautir í tvö skemmti­leg spil fyrir þessi jólin, Gettu betur og Hræri­graut.

„Nú, svo tók ég að mér að semja spurn­ingar í tvö borð­spil sem koma út. Annað er ný útgáfa af Gettu betur spil­inu sem kom fyrst út fyrir 20 árum. Þetta er klass­ískt spurn­inga­spil með hraða­spurn­ingum, bjöllu­spurn­ingum, vís­bend­inga­spurn­ingum og svo fram­vegis, hæfi­leg blanda af léttum spurn­ingum, miðl­ungs­léttum og fáeinum þungum!,“ segir Illugi og bætir við:

Ilugi bjó til spurn­ingar og þrautir í tvö spil um þessi jól.

„Hræri­grautur er aftur á móti leikur að orðum fyrir alla þá sem hafa gaman af íslenskri tungu en raunar líka þá sem hafa jafn­vel ekk­ert gaman af íslensk­unni en elska skemmti­lega og fjöruga keppni. Kepp­endur glíma meðal ann­ars við nýorða­smíði, stafarugl, hengi­mann og tabú. Spilið er í raun hræri­grautur af öllum skemmti­leg­ustu orða­leikj­unum sem við þekkjum, spilið sem fær fólk til að tala, bulla og hlæja.“

Það er aug­ljóst að það er því mikið fjör hjá Illuga þessi jólin, með þrjár bækur og tvö spil í jóla­flóð­inu. En skyldi hann sjálfur vera mikið jóla­barn?

„Mér finnst gaman á jólum, já. Fyllist kannski lengur barns­legu jóla­skapi, en finnst mik­il­vægt að fólki líði vel og það skemmti sér þessa daga,“ segir Illugi að lokum.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Heimur

Prestur rifjar upp óþægi­lega reynslu úr æsku

„Þú getur treyst barninu sem þú varst. Jesús gerir það“
Innlent

„Sterkar vís­bend­ingar eru núna um að hryðju­verk­a­ríkið Ísrael hafi gert tölvu­árás á íslenska inn­viði“

Innlent

Ekið á mann á raf­hlaupa­hjóli

Innlent

Að minnsta kosti þrjár Palest­ínu­tengdar vef­síður eyði­lagðar í netárásinni á 1984

Heimur

Raun­veru­leika­stjarnan Sheila Mangubat látin 35 ára að aldri

Fólk

Fjórum árum eftir að heil­inn hót­aði upp­sögn á Karl Ágúst tvö verk á sviði

Eftir að hafa greinst með heilaæxli fyrir fjórum árum lýsir Karl Ágúst þakklæti fyrir að verk hans séu nú aftur á sviði.

„Í dag eru tíu ár síðan ég varð fyrir nauðgun“

Af hverju getur lyktin af mak­anum verið svona ómót­stæði­leg?

Sáttasex leysir ekki ágrein­ing­inn

„Nið­ur­lægj­andi að smækka fólk niður í tölur“

Notalegt fjöl­skyldu­hús með nægu rými úti og inni til sölu