Lögreglan á höfuðborgarsvæðinu hefur lokið rannsókn sinni á bruna á meðferðarheimilinu Stuðlum, þar sem 17 ára drengur lést í október 2024. Málið hefur nú verið sent ákærusviði embættisins til frekari meðferðar.

Þetta kemur fram í Morgunblaðinu og er staðfest af Elínu Agnesi Eide, yfirlögregluþjónn á miðlægri rannsóknardeild lögreglunnar.

Alls hafa tíu einstaklingar réttarstöðu sakbornings í málinu.

Bruninn varð 19. október 2024 í álmu þar sem börn voru í neyðarvistun. Í eldsvoðanum lést hinn 17 ára gamli Geir Örn Jacobsen. Rannsókn málsins hefur því staðið yfir í rúmlega 20 mánuði.

Í skýrslu Húsnæðis- og mannvirkjastofnunar um brunann kom fram að unnt hefði verið að afstýra mannslátinu ef brunavarnir hefðu verið virkar í samræmi við brunahönnun hússins.