Ótrúlegt atvik átti sér stað um borð í strætó í seinustu viku í Oklahomaborg í Oklahomafylki í Bandaríkjunum. Maður að nafni Tihron Harrison bað strætóbílatjóra um að hleypa sér út á gatnamótum en hafnaði bílstjórinn þeirri beiðni Harrison og sagði að hann gæti farið út á næstu stoppistöð.
Sú höfnun varð til þess að Harrison kýldi bílstjórann í andlitið meðan hann var við akstur. Bílstjórinn reyndi að verjast en Harrison dró bílstjórann úr bílstjórasætinu og vagninn var því stjórnlaus meðan Harrison hélt áfram að ráðast á bílstjórann og hætti ekki fyrr en strætóinn keyrði á hús en þá flúði hann vettvang.
Bílstjórinn hlaut minniháttar áverka og slasaðist enginn í húsinu eða strætónum við áreksturinn. Harrison var fljótlega handtekinn en ekki hefur verið hvort og þá fyrir hvað hann verður ákærður.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir