Reykjavíkurborg þegir um uppsagnir 50 starfsmanna

Reykja­vík­ur­borg hefur ekki svarað fyr­ir­spurn Mannlífs um upp­sagnir 50 starfs­manna borg­ar­innar í tengslum við hag­ræð­ing­ar­að­gerðir í mið­lægri stjórn­sýslu. Óskað var eftir upp­lýs­ingum um hvaða störf væru lögð niður, hvaða starfsein­ingar yrðu fyrir áhrifum og hvort stjórn­un­ar­stöður væru meðal þeirra starfa sem um ræðir en fyr­ir­spurnin var send fyrir sjö dögum.

Upp­sagn­irnar hafa vakið athygli, ekki síst vegna þess að enn liggur ekki fyrir nákvæm sund­ur­liðun á því hvaða störf hverfa úr stjórn­kerfi borg­ar­innar.

Einar Þor­steins­son, odd­viti Fram­sókn­ar­flokks­ins í meiri­hluta borg­ar­stjórnar, hefur þó full­yrt að upp­sagn­irnar snerti ekki störf sem tengj­ast beinni þjón­ustu við borg­ar­búa.

„Allt saman eru þetta störf sem eru ekki í beinni þjón­ustu við íbúa,“ sagði Einar um upp­sagn­irnar. Samkvæmt upp­lýs­ingum Mannlífs er það þó ekki rétt og eru dæmi um að starfs­fólk safna borg­ar­innar sem eigi í beinum sam­skiptum við borg­ar­búa hafi verið rekið.

Spurt um stjórn­endur og starfs­lýs­ingar

Mannlíf sendi Reykja­vík­ur­borg sex spurn­ingar þar sem meðal ann­ars var óskað eftir upp­lýs­ingum um starfs­heiti þeirra 50 starfs­manna sem sagt hefur verið upp og hvernig upp­sagn­irnar skipt­ast milli sviða, skrif­stofa og starfsein­inga.

Þá var óskað eftir starfs­lýs­ingum við­kom­andi starfa, upp­lýs­ingum um fjölda stöðu­gilda sem falla niður og hvort stjórn­un­ar­störf væru meðal þeirra.

Einnig var sér­stak­lega spurt hvort störfin sjálf yrðu lögð niður eða hvort verk­efni starfs­mann­anna yrðu ein­fald­lega færð yfir á aðra starfs­menn borg­ar­innar.