Lögregla hafði afskipti af manni í hverfi 105 í gærkvöldi sem grunaður er um vörslu fíkniefna. Síðar um kvöldið barst lögreglu tilkynning um umferðaróhapp í sama hverfi en samkvæmt dagbók lögreglu urðu engin slys á fólki. Í miðbæ Reykjavíkur slasaðist einstaklingur eftir að hafa dottið af rafhlaupahjóli. Þá segir að viðkomandi hafi mögulega rotast við fallið og var hann fluttur á bráðamóttöku í kjölfarið.
Í Breiðholti þurfti aðstoð slökkviliðs og lögreglu eftir að áhyggjufullur nágranni sá reyk frá íbúð. Þar hafði íbúinn gleymt að slökkva undir potti á eldavél með þeim afleiðingum að það kviknaði í pottinum. Slökkviliðið mætti á vettvang og slökkti eldinn. Fjórir ökumenn voru stöðvaðir í nótt vegna gruns um akstur undir áhrifum fíkniefna. Einn reyndist vera bæði ölvaður og undir áhifum fíkniefna.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir