„Ég myndi segja að það væru eiginlega engar líkur á að það gysi í Grindavík, en það gæti gosið í Hagafelli,“ sagði Ármann Höskuldsson, prófessor í eldfjallafræði við Jarðvísindastofnun Háskóla Íslands, í samtali við mbl.is. Mikil óvissa hefur verið síðustu vikur eftir að Grindavíkurbær var rýmdur. Mikil hætta var talin á svæðinu og líklegt þótti að eldgos myndi ná til Grindavíkur en nú virðist töluverið breyting þar á.
Þá bætti Ármann við í samtali við mbl.is að jarðskorpan væri að róast eftir gliðnunina sem varð fyrir tveimur vikum síðan. Sagði hann óþarfa fyrir fólk að hafa áhyggjur af eldgosi í Grindavík að svo stöddu en jarðskjálftavirkni gæti þó haldið áfram. Grindvíkingar ættu að hans mati getað snúið heim til sín að viðgerðum loknum.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir