Fjórir ökumenn voru handteknir grunaðir um akstur undir áhrifum fíkniefna á höfuðborgarsvæðinu í gærkvöldi og í nótt, samkvæmt dagbók lögreglunnar á höfuðborgarsvæðinu.

Einn þeirra reyndist jafnframt vera án ökuréttinda og annar ók bifreið sem var ótryggð. Ökumennirnir voru allir látnir lausir að lokinni blóðsýnatöku.

Þá stöðvaði lögregla ökumann vegna of hraðs aksturs. Hann var bráðabirgðasviptur ökuréttindum vegna brotsins.

Lögregla sinnti einnig tilkynningu um hávaða í heimahúsi og fór á vettvang vegna málsins.

Í öðru tilviki óskaði ferðamaður eftir aðstoð lögreglu eftir að hafa læst sig inni í bifreið sinni. Lögreglumenn fóru á staðinn og aðstoðuðu ferðamanninn við að komast út úr bifreiðinni.