Andlát Guðbjargar Svövu Guðmundsdóttur er til rannsóknar hjá lögreglu en Mannlíf fékk það staðfest hjá lögreglunni á Norðurlandi eystra. Heimildir Mannlífs herma að andlátið hafi borið að með saknæmum hætti en lögreglan vildi ekki staðfesta það.
Guðbjörg lést í október síðastliðnum en hún var aðeins 37 ára gömul og hafði glímt við ýmsa erfiðleika í lífinu. Eiginmaður hennar, Tómas Waagfjörð, var stunginn til bana á Ólafsfirði þann 3. október 2022 og ræddi Guðbjörg harmleikinn við Mannlíf. Guðmundur Sigurður Guðmundsson, faðir Guðbjargar, minnist dóttur sinnar á Facebook með fallegum orðum en hann missti eiginkonu sína sama dag og Guðbjörg lést. „Sorgin hefur sótt mig heim. Konan mín Annika. lést í fangi mínu snemma í morgun. Samtímis missti ég yngri dóttur mína Svövu,“ skrifaði Guðmundur.
Guðbjörg Svava lætur eftir sig tvo syni. Annar þeirra er aðeins þriggja ára gamall.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir