Síðustu helgi gengu þrír ferðamenn í skrokk á íslenskum manni í miðbænum og voru þeir í kjölfarið handteknir en Íslendingurinn var nokkuð slasaður og með brotna tönn eftir árásina.
Árásarmönnunum hefur nú verið sleppt úr haldi eftir yfirheyrslu og staðfestir Unnar Már Ástþórsson, aðalvarðstjóri hjá lögreglunni á höfuðborgarsvæðinu, það við Vísi. Unnar sagði einnig að maðurinn verði áfram í bataferli.
„Málið er í rannsókn, það er búið að yfirheyra þá og þeir eru lausir frá okkur. Ég veit ekki hvort þeir séu ennþá á landinu,“ sagði Unnar. „Það eru engin tengsl á milli þeirra. Skemmtunin fór bara fram úr sér, það var ekki alvarlegra en það,“ en tveir mannanna voru með fíkniefni á sér og það talið að hafi verið kókaín en niðurstaða úr efnarannsókn mun liggja fyrir eftir tvær til þrjár vikur.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir